Tamazɣa | Tutlayt | Tasekla | Tasenselkimt | Idles | Tussna | Imaziɣen | Ayen nniḍen
Imqimen di Tmaziɣt (2)

sɣuṛ  Tilelli At Umalu

4. Imqimen iwṣilen n tenzeɣt
✓ i, k, m, s, nneɣ, nteɣ, wen, went/kʷent, sen, sent.
✓ Imqimen-a iwṣilen, ƫƫasen deffir n tenzeɣt.
Amedya:
Yekka-d si tala. → Yekka-d seg-s.

❗ Kra n yemqimen iwṣilen n tenzeɣt nrennu-asen tiɣṛi "a" (ak, am, as, aneɣ, anteɣ, awen, awent, asen, asent), mi ara d-asen deffir n kra n tenzaɣin am: fell, gar, ddaw, atg.
☛ Teqqim gar tullas. → Teqqim gar-asent.
☛ Yezdeɣ ddaw udrar. Yezdeɣ ddaw-as.

❗ Isem i d-yeƫƫasen deffir n tenzeɣt "i" yeƫƫuɣal d amqim awṣil arusrid.
☛ Yessawel-d i gma. → Yessawel-as.

❗ Isem i d-yeƫƫasen deffir n tenzeɣt-t "n" yeƫƫuɣal d amqim n wayla.
☛ Axxam n vava. → Axxam-is.

❗ Kra n tenzaɣin ƫveddilent talɣa mi ara nerr isem i tent-id-iḍefṛen d amqim awṣil. Ad tafem kra n yimedyaten di taggara n temsirt ɣef tenzeɣt.

5. Imqimen n wayla
✓ iw/inu, ik/inek, im/inem, is/ines, nneɣ, nteɣ, nwen, nwent/nkʷent, nsen, nsent.
✓ Imqimen n wayla zemren ad d-asen deffir n yisem.
☛ Yecfa ɣef yimeslayen-is.
☛ Ḥemmlen tamurt-nsen.

❗ Imqimen n wayla zemren daɣen ad d-zwiren isem.
Mi ara d-zwiren yemqimen n wayla isem, kra deg-sen ƫveddilen talɣa, wiyyaḍ ƫɣaman akken llan. (yinu, yinek, yinem, yines, nneɣ, nteɣ, nwen, nwent/nkʷent, nsen, nsent.
Yines adlis-a.
Nneɣ tamurt-a.

6. Imqimen imeskanen
✓ wa/wagi, ta/tagi, wid, tid, a/agi, ihin, ina, ayen, aya/ayagi, win/winna, tin/tinna.
☛ Efk-iyi-d adlis-a.
Tagi, tusa-d iḍelli.
Ayen sliɣ i d-nniɣ.
☛ D wa i d-yennan.
☛ Ufiɣ ayagi d awezɣi.
❗ Akken twalam imqimen imeskanen, tikkwal ƫƫasen-d deffir n yisem, deffir n umyag, tikkwal di tazwara n tefyirt, tikkwal daɣen zemren ad d-asen deffir n tzelɣa "d", atg.

❗ Tikkwal kra n yemqimen imeskanen zemren ad uɣalen ar waddad amaruz (ayen/wayen, aya/waya).

7. Imqimen imassaɣen
✓ i, iɣef, anda.
☛ D nettat i t-yeẓṛan.
☛ Ungal-nni iɣef nemmeslay.
☛ Tamurt anda luleɣ.

31.05.2969/2019 22:00 Tilelli At Umalu